Девојка се жали за одморот на брегот Амалфи во Италија: „Зошто сум разочарана?“

„Кога велам дека никогаш досега не сум искусила нешто вакво, не преувеличувам. Се возевме по еднонасочна улица на која некако успеале да вметнат четири коловозни линии. Автобусите возеа со 100 километри на час, буквално ’летајќи‘ на кривините“, вели девојка од Австралија за лошото искуство на италијанската популарна дестинација Амалфи.

Девојка од Австралија била на одмор на брегот Амалфи во Италија и вели дека иако тоа е едно од најубавите места што ги видела во животот, целокупното искуство било ужасно.

Во ТикТок видео, Австралијката Изабела Хајфилд открива дека на популарната дестинација со нејзиниот дечко на почетокот од август и открива со што сè се соочиле.

„Да почнам со патувањето дотаму. Отседнувавме во мал град по име Минори, кој е во близина на градот Амалфи.

Без разлика во кој град ќе отседнувате на брегот Амалфи, прво треба да стигнете до Салерно каде што се наоѓа главната железничка станица“.

Изабела вели дека со дечкото тргнале од Рим и за да стигнат до Салерно им биле потребни пет часа со воз.

Оттаму, фатиле автобус за гратчето Минори.

„Се возевме повеќе од еден час. Кога велам дека никогаш досега не сум искусила нешто вакво, не преувеличувам. Се возевме по еднонасочна улица на која некако успеале да вметнат четири коловозни линии.

Автобусите возеа со 100 километри на час, буквално ’летајќи‘ на кривините“.

Изабела истакнува дека кога се разминувале два автобуса во спротивна насока, растојанието помеѓу нив било милиметри.

Покрај тоа, на автопатот имало и многу луѓе со мотоцикли кои исто така не биле многу внимателни.

Друг проблем за Изабела бил непријатниот мирис од луѓето.

„Изгледа луѓето генерално не знаат што е дезодоранс бидејќи миризбата… Мислам, жешко е. Ако не ви се згади од автобусите, ќе ви се згади од мирисот на луѓето“.

Потоа Изабела и дечко ѝ требало да одат со траект до гратчето Позитано.

„Имаше една редица, и стотици и стотици луѓе кои чекаа во редица за различни траекти. Но, имаше само една редица!

Па, ако дојде вашиот траект, а вие сте на крајот од редицата, треба да се буткате низ луѓето кои не се за тој траект.

Зошто не направат шест редици? Искрено, не е толку тешко и дефинитивно имаше место“.

Австралијката вели и дека на местото имало премногу туристи. Таа истакнува дека е свесна дека и самата е дел од тие туристи, но не очекувала толку огромен метеж.

Кога стигнале до својата дестинација, Изабела и дечко ѝ се соочиле со друг проблем – превисоките цени.

„Некои места наплаќаа 36 евра за порција чинија. Па, тоа е само брашно и вода!“

Во коментари, некои се согласуваат со Изабела:

„Сестра ми го мразеше местото. Рече патувањето со автобус дотаму било најстрашното нешто што го искусила“.

„Само што се вратив од Амалфи и јасно ми е за што зборуваш“.

„Се согласувам, претеруваат со цените“.

„Бевме таму минатата недела и го имавме потполно истото искуство“.

Но, некои велат дека само драматизира, дека со дечко ѝ самите се виновни што не се организирале подобро, како и дека имало други опции да стигнат до дестинацијата.

„Има брз воз кој трае околу 1 час и 20 минути од Рим до Неапол, а потоа 45 минути со траект до Амалфи“.

„Ова е една од најубавите дестинации што сум ги посетил, со години наназад одам таму. Треба да истражуваш пред да одиш некаде“.

https://www.tiktok.com/@isabella.ellen/video/7265418584925474049

Спирова С. | Црнобело