Импресивни локации во Турција, за кои можеби не знаете дека постојат, а вреди да ги посетите

Ѓобекли Тепе е најстарото мегалитско археолошко наоѓалиште во светот, а се верува дека е старо околу 12.000 години. Кои други места во Турција се импресивни, а потценети од туристите?

Кога ќе се спомне Турција, меѓу првите асоцијации се Истанбул, Кападокија, баклава, злато, ценкање во продавниците и секако, турските серии.

Кога станува збор за местата кои им се омилени на туристите и кои најчесто ги посетуваат, тука се Сината џамија и Аја Софија, Памук кале, пештерите (и воздушните балони) во Кападокија. Тука се и луксузните all inclusive ресорти во Анталија и Бодрум, во кои доаѓаат туристи од целиот свет.

Но, земјата има многу други импресивни места и локации за кои повеќето туристи и не знаат дека постојат, па никогаш не ги посетуваат.

Затоа, пред да го испланирате следното патување во оваа земја која лежи на два континента, погледнете ја листата со интересни и импресивни места, кои сигурно ќе ви се допаднат.

Што сè можете да посетите во Турција?

Замокот Ризе

Градот Ризе се наоѓа во регионот на Црното Море и се смета за главен град на истоимената провинција.

Иако самиот град не е премногу импресивен, планината над него и замокот Ризе изгледаат неверојатно, без оглед дали е лето и сè е разеленето, или е зима и целата околина е покриена со снег.

Овој замок е изграден во византискиот период, помеѓу 527-565 година.

Планината Нертмут

Позната е по огромните статуи изработени ви првиот век пред нашата ера, во времето на кралот Антиохиј.

Статуите се високи и до 9 метри.

Денес овој комплекс статуи е на списокот на УНЕСКО, на листата културно наследство.

Античкиот град Пергамон

Овој историски локалитет се наоѓа во близина на Егејското море и градот Бергама.

Во античко време бил главен град на кралството Пергамон (281-133 година п.н.е) и шетајќи низ локалитетот ќе го почувствувате големото влијание на хеленистичката историја.

Од 2014 година, овој град е под заштита на УНЕСКО.

Тројанскиот коњ во Чанаккале

Градот во кој се одиграла тројанската битка е место каде што може да видите остатоци од античкиот град Троја.

Во чест на славната битка и историјата која и денес се раскажува, на пристаништето во градот е поставен Тројански коњ, истиот оној што беше користен за снимањето на филмот во 2004 година.

Уште 5 локации на следната страница...