Импресивни локации во Турција, за кои можеби не знаете дека постојат, а вреди да ги посетите

Ликја Јолу

Ликија Јолу или патеката Ликија е патека за пешачење покрај брегот на Турција, со должина од импресивни 760km.

Името го добила по античката цивилизација која во минатото владеела со овој регион.

Еден дел од патеката се наоѓа на околу 20km од Анталија.

Областа Датча

Овој дел од земјата е популарен меѓу морнарите, бидејќи тука се наоѓа големо пристаниште, па често го посетуваат овој дел од Турција.

Селцата и малите гратчиња се мирни, а освен убавата природа има и историски локалитети кои може да се видат.

Езерото Туз

Самото име значи „солено езеро“.

Туз е второто најголемо езеро во Турција, а се наоѓа во централна Анадолија, на околу 150km јужно од Анкара.

Ѓобекли Тепе

Ова е најстарото мегалитско археолошко наоѓалиште во светот, а се верува дека е старо околу 12.000 години.

Изградено е во форма на концентрични кругови (20 на број).

Археолозите го откриле во раните 1960-ти години, но никој сè уште не може да го открие неговото вистинско значење.

Во 2018 година, Ѓобекли Тепе бил вклучен во списокот на Светското културно наследство на УНЕСКО.

Гробницата на Аминта во Фетије

Огромната гробница се наоѓа изградена во сама планинска карпа, а е изградена околу 350 година п.н.е.

А. Ј. | Црнобело / фото: depositphotos.com