Преубав напуштен дворец во Беочин, Србија

Дворецот кој во Србија е познат како дворецот на семејството Шпицер, е изграден во 1898 година. Во тоа време бил во сопственост на угледното семејство Шпицер, кои биле сопственици на фабриката за цемент во Беочин.

Дворецот уште тогаш бил дизајниран со цел да се покаже социјалниот статус на семејството.

На фасадата можат да се забележат секакви стилови - од готски до ренесансен и барокен, што ја покажуваат историјата на дворецот и како новите генерации што живееле во него, сакале да го вклопат стилот на времето во кое живееле.

Посебна вредност на дворецот му дава ентериерот и преубавиот ходник. Во него има огромен камин направен по специфични нацрти. Ѕидовите во ходникот се полни со историски орнаменти.

Денес објектот е напуштен и нема никаква намена. До одреден период служел како библиотека, дом за војни инвалиди и ресторан, а потоа е напуштен и почнува да се распаѓа. На дворецот не стојат веќе ни вратите ни прозорците, а и кровот веќе попушта.

Според сведочења на локалците, семејството Шпицер во текот на Втората светска војна го напуштиле дворецот и се преселиле во Германија, каде и до ден денес живеат потомците. За време на војната дворецот бил користен од нацисти како команден штаб.

Дворецот бил инспирација и за филмски уметници како Клинт Иствуд и Емир Костурица, кои се вљубиле во необичниот изгледот на местото, па имале снимено во него и неколку филмски кадри.

А. В. | Црнобело