Фото уживање: Плажата Егремни на Лефкада

Огромната песочна плажа со неверојатно тиркизна боја е вистински рај на Земјата.

Плажата Егремни на грчкиот остров Лефкада секогаш е на листите на најдобри плажи во Европа, а неретко дури и во светот со својата ширина, белиот мек песок и уникатната кристално чиста тиркизна вода.

За жал, во ноември 2015 година таа беше погодена од силен земјотрес кој ја промени нејзината големина и го уништи пристапот до неа преку копно, кој беше овозможен со помош на 300 скалила.

Сега туристите за да ја почувствуваат нејзината убавина мора да пристапат преку турите со брод.

Егремни се наоѓа на 30 километри од главниот град на Лефкада. Долга е дури 2.5 километри и обиколена со карпи. Таа е вистински рај на Земјата.

Пливањето тука е незаборавно искуство. Исто така не смеете да го пропуштите прекрасното зајдисонце кое ќе ви го одзеде здивот.

Ако ве однесе патот накај оваа плажа, не прошуштајте ја и соседната плажа Порто Кацики.

Погледнете ја галеријата и уживајте во убавините на Егремни:

• 
• 
• 
• 
• 
• 
• 
• 
• 
• 
• 
• 
•  

С. С. | Црнобело