7 места во светот од каде се гледаат најспектакуларните поларни светлини

Природниот феномен аурора бореалис, познат и како поларна светлина, е појава која ги остава воодушевени сите што барем еднаш во животот виделе такво нешто.

Тоа се случува кога соларни честички интерферираат со атмосферски гасови и со магнетното поле на Земјата и личи како зелена лава која се простира низ целото небо. Овој феномен го има преку целата година, но најдобро е видлив кога ноќите се долги и воздухот најмалку загаден.

Некогаш нивната појава може да трае неколку секунди, а некогаш и со денови.

Иако не е лесно да се предвиди кога ќе се појави аурора бореалис, ние ви наведуваме седум места на Земјата и најдобрите периоди од годината, кога веројатноста за нивна појава е најголема:

Фербенкс, Алјаска

Ова е еден од најзачуваните и најзаштитените делови од Алјаска и е дел од националниот парк Денали. Тука се наоѓа и најсеверната точка на САД, која е и најоптимална за набљудување на аурорите, кои пак се највидливи од втората половина на август до средина на април.

Исланд

Географската локација на Исланд е таква што имаат долги ноќи, што е совршен услов за набљудување на поларните светлини од август до средината на април.

Јужен Гренланд

Јужниот дел на Гренланд е прилично блиску до Исланд и во истиот период како и таму, постои голема веројатност дека ќе успеете да видите поларни светлини. Испланирајте тоа да го направите со професионална тура, за да биде сигурно дека ќе успеете да ги видите.

Северна Шведска

Од септември до март можете да видите аурора речиси од секаде во Шведска, од точките кои се далеку од вештачката светлина на градовите. Во северниот дел од државата се наоѓа националниот парк Абиско кој е најпозната локација за набљудување аурори.

Јелоунајф, Канада

Во северниот дел од Канада, кој е малку населен и слабо урбанизиран, значи и дека речиси и нема загадување. Аурорите може да се набљудуваат од август до април.

Норвешка

Во Норвешка има многу места кои се далеку од населените градови, каде може да набљудувате аурори од септември до крајот на март. Изберете некој од малите островчиња или од руралните делови за подобро искуство.

Шкотска

Од октомври до март поларна светлина може да се набљудува и од националниот парк Кернгормс, кој воедно е и најголем национален парк во Велика Британија.

Е. Д. | Црнобело