Грчкиот ресорт што е преплавен од холивудски ѕвезди (фото)

Од лудите забави на Кајли Миног до романтичните ноќи на Леонардо ди Каприо, кое место во Грција им е хит на холивудските ѕвезди?

Во ова престижно грчко одморалиште имате батлер кој ви стои на располагање 24 часа на ден, приватна теретана, сауна и ако сте ВИП гостин навистина има можност како да пристигнете со стил.

„Grand Resort Lagonissi“, во близина на Атина, се протега на огромно земјиште, има прекрасен поглед кон Егејското Море и поседува низа приватни плажи за гостите, па дури и бела црквичка која додава шарм на ова место.

Многу холивудски ѕвезди го имаат посетено, а меѓу нив се Леонардо ди Каприо, Џенифер Лопез, Шакира, Кајли Миног и Мерил Стрип. Има и соби, но најголем хит се приватните луксузни вили, кои чинат и по 11.000 евра од ноќ.

Омилена помеѓу познатите е вилата „Royal Villa“, каде имаат престојувано Кристијано Роналдо, Мел Гибсон, па дури и светски политичари. Дизајнот е на видни грчки архитекти.

Од мермерни тоалети од Bvlgari до мебел од Ralph Lauren, ентериерот е среден до совршенство.

Некои од гостите имаат специфични барања, па така еден од нив барал костим за капење со 24-каратно злато. Член на персоналот отпатувал на друг остров за да му го обезбеди ова за да докажат дека во овој ресорт желбите стануваат реалност.

Како изгледа луксузното грчко одморалиште:

• 
• 
• 
• 
• 
• 
• 
• 
• 
• 
• 
• 
• 
•  

С. С. | Црнобело