Допир до нашето најголемо вештачко богатство - Тиквешкото езеро
Обградено од прекрасни планински масиви, Тиквешкото езеро е едно од поголемите наши богатства.
Тиквешкото езеро е најголемото вештачко езеро по површина во земјава, а настанато е во 1968 година, со преградување на кањонот на реката Црна и со изградба на брана која е висока 104 метри.
Стационирано на југ, во кањонот на Црна Река и оддалечено 12 километри од Кавадарци. Најголемата длабочина на езерото е 105 метри.
Тиквешкото езеро изобилува со различни видови на животински свет и изобилие на слатководни видови на риби.
Како еден од најтоплите реони во Македонија, не е ни чудо што располага со голем број на куќи и викендици каде што луѓето гледаат да ја искористат „последната капка“ од своето слободно време.
Секојдневно видливи се различните чамчиња со кои посетителите ја истражуваат оваа бајковита идила, особено за време на летните периоди кои се погодни за разни видови спортови и за разладување во езерото.
Уште еден интересен факт е тоа што Тиквешкото езеро има три трајни острови.
Најголемиот остров е Градиште, кој не е населен, а пак другите две се мали острови на кои има куќи и придружни објекти, кои се наоѓаат на мало растојание од брегот.
Едното е во атарот на Брушани, а другото кај одливот на езерото во р. Блашница.
Тиквешкиот регион располага со навистина голем број на манастири и културно-историски вредности, од кои најистакнат е Полошкиот манастир и црквата посветена на св. Ѓорѓи, кој се смета за бисер на македонската средновековна уметност.
Во продолжение ги одбравме најубавите Инстаграм-пејзажи од Тиквешкото езеро кои се доказ за тоа какво богатство поседуваме...
Периодов не можеме да шетаме каде сакаме и со кого сакаме во големи друштва, но ви нудиме виртуелна прошетка:
https://www.instagram.com/p/BGR6wwSAfbq/
https://www.instagram.com/p/BKdD6x5BBB5/
Мила М. | Црнобело
Би можело да ве интересира:
Препорачуваме
Најчитани неделава
