Љубојно - едно од најубавите села во околината на Преспа (фото)

Во околината на Преспанското Езеро, Љубојно е едно од селата кои го заслужуваат вашето внимание. Сместено во пазувите на планината Баба, чистиот воздух и топлите селани, ќе ви посакаат вистинско добредојде.

Разнобојни фасади на околу 350 куќи се препознатливи за ова село – куќите изградени од камен денес се обновуваат, но се градат и современи домови.

Во центарот на селото е сместена црквата „Св. Јован Богослов“ изградена во 1861 година. Инаку, има 12 цркви и манастири од кои најголем манастир е „Св. Петар и Павле“ до кој се стигнува низ планински пат додека уживате во преубава природа.

Најголем дел од населението се занимава со овоштарство, во главно, производство на јаболка како и во поголемиот дел од селата во околината на Ресен.

Низ атарот на селото тече Брајчинска Река, препознатлива по бистрата вода.

Туристите го сакаат Љубојно заради живописната природа, близината на Преспанското Езеро и вкусната храна.

Задолжително мора да ја посетите етно куќата „Стара чешма“ со традиционални вкусни специјалитети. Овде имате можност и да преноќите.

Погледнете некои од најубавите фотки од Љубојно на Инстаграм:

Кога веќе сте во оваа околина, не заборавајте да прошетате и низ другиот Преспански бисер - селото Брајчино: Природна, македонска убавина – Брајчино, мир за умот и душата (фото)

Е. П. | Црнобело