Пар од Чешка со трејлер на Матка и во Охрид: „Ме болеше стомак од реката во Треска, Охрид е рајска убавина“

Павел и Власта од Чешка, по 3 месеци подготовки, тргнале на пат со својот дом на тркала... Интересно е што новиот стил на живот го започнуваат токму од Македонија. Какви се нивните впечатоци низ фотографии...

Павел и Власта од Чешка се пар кој штотуку започна да живее на пат во дом на тркала. Интересно е што токму престојот во Македонија им е почеток на нивното долго патување.

Од Матка до Охридското Езеро, парот ужива во убавините на нашата држава и впечатоците ги споделуваат на нивниот Инстаграм профил @Madeby_life.

Павел и Власта откриваат дека најсилен впечаток им оставила пештерата Врело на Матка, како и црквата Свети Јован Канео во Охрид.

Тие велат дека уште кога се запознале сонувале заедно да ги напуштат границите на Чешка и да патуваат со нивниот дом на тркала, па така нивната родна земја ја напуштиле на 22-ри јули годинава по тримесечно планирање.

По посетата на јужноморавскиот крај во нивната родна Чешка, тие одлучиле своето патување надвор од границите да го започнат во нашата земја, а оттука секојдневно објавуваат фотки од нивните авантури.

Тие прво одлучиле да кампуваат на кањонот Матка. Нивниот домот на тркала, кој го нарекуваат Бобик, го паркирале на 5 километри од кањонот, покрај вода и велат дека за тоа не платиле ништо. 

Павел открива дека чистата вода на реката Треска го примамила и се напил вода од реката, иако мештаните му советувале да не го прави тоа. Потоа цела вечер имал проблеми со стомакот, но следното утро веќе се чувствувал подобро.

За Охрид Павел и Власта кратко напишаа под фотографиите:

„Убавина... Ова е тоа!“

Погледнете повеќе фотографии од нивниот престој во Македонија:

Б. С. Б. | Црнобело