Дојранско Езеро - белег на македонската природа, риболовство и исцелителство

Дојранското Езеро е најмалото тектонско езеро во нашата држава со површина од 43 квадратни километри.

Максималната длабочина на езерото е 10 метри, но тоа не спречува голем дел од Македонците и туристите ширум светот своето прибежиште да го пронајдат токму таму.

Распространетоста на плевел и планктони на самата површина ги прават водите на езерото корисни за ревматизам, кожни и респираторни заболувања. 

Затоа, многумина од посетителите доаѓаат во овој дел исклучиво од одредена причина поврзана со нивното здравје.

Богатството од ендемски видови алги што живеат во Дојранско Езеро овозможуваат вдишување на јод, а нанесувањето од лековитата дојранска кал е од непроценлива вредност.

Оригиналниот и стар начин на риболов е нешто што го прави поинакво Дојранското Езеро. Се изведува со помош на корморани и други птици кои летаат над езерото, насочувајќи ги рибите во корпите каде што се собираат во огромни количини.

Рибниот потенцијал на езерото бил забележан дури и од таткото на историјата во 5 век п.н.е.

Според античкиот историчар Херодот езерото толку изобилувало со риби што ако навечер ставите празна корпа во водата, до утрото би била полна.

Запознавањето со старата риболовна традиција, дегустацијата на вкусната добро подготвена риба и уживањето во медитеранската клима е вистински предизвик да се посети овој брег на Дојранското Езеро.

Со сигурност, на овој југоисточен дел од Македонија можете да го почувствувате вистинскиот медитерански амбиент.

Во продолжение за вас издвоивме низа фотки на Инстаграм од прекрасниот дојрански брег:

Мила М. | Црнобело