Водич за родители: Корисни совети за воспитување деца на различна возраст

На која било возраст, избегнувајте ги строгите и нереалистични казни бидејќи обично создаваат гнев и фрустрација. Наместо тоа, покажете му на детето дека секоја лоша постапка има свои последици.

Да се биде родител не е воопшто лесно. Родителите се одговорни нивното дете да стане добра и воспитана личност.

А, со оваа доаѓаат безброј предизвици.

Неколку совети што ќе ви помогнат во воспитувањето на децата на различна возраст:

Една до две години

На ова возраст дечињата почнуваат да го истражуваат светот околу нив, а вие треба да им го дозволите и овозможите тоа.

Секако, важно е да го надгледувате вашето малечко додека истражува за да не се повреди.

Работи што треба да ги избегнувате:

- Казнување – на оваа возраст децата не разбираат што е тоа казна и можете само да предизвикате страв.

- Врескање по нив – уште еден погрешен пристап со кој само ќе предизвикате страв кај детето.

- Долги објаснувања – ако детето направи нешто погрешно, немојте надолго да му објаснувате зошто тоа е грешка бидејќи нема да ве разбере.

Работи што треба да ги правите:

- Тргнете го детето од опасноста – речете му да не прави нешто, да не допира нешто и слично.

- Пренасочете му го вниманието кон нешто друго.

- Не го оставајте детето само кога ќе направи грешка за да не се чувствува незаштитено или лошо, но и за да не ја повтори грешката.

Две до три години

Ова е период кога дечињата сакаат да ја стекнат својата независност. Поради ова, таканаречените тантруми можат да бидат честа појава.

Работи што треба да ги избегнувате:

- Забранување

- Целосно игнорирање на детето

- Удирање или какво било насилство

Работи што треба да ги правите:

- Останете смирени - тантрумите се нормална појава и пробајте да покажете емпатија наместо фрустрација.

- Тргнете го детето настрана доколку плаче, вика и слично.

- Пробајте да го смирите детето. Прегрнете го, прашајте го зошто плаче… Можеби е исплашено, под стрес или гладно.

- Смирено објаснете му зошто не е во ред да се однесува така.

Продолжува на следната страница...