Водич за родители: Кога, како и зошто е важно да зборувате за секс со вашите тинејџери?

Зборувањето за секс може да биде непријатно, но вистината е дека најверојатно детето веќе било изложено на некакви информации поврзани со тоа (многу често и дезинформации), и тоа благодарение на социјалните мрежи или врсниците. Затоа, вклучувањето на родителите во ваков разговор е од клучно значење за да се создаде здрава и точна слика за сексуалните односи.

Зборувањето на тема секс со децата е од особена важност, а едукацијата треба да започне уште во тинејџерските години. Децата кои имаат отворени и искрени родители на оваа тема, имаат поголема веројатност да донесат побезбедни одлуки подоцна во животот.

Зборувањето на тема секс може да биде непријатно, но вистината е дека најверојатно детето веќе било изложено на некакви информации поврзани со тоа (многу често и дезинформации), и тоа благодарение на социјалните мрежи или врсницитe. Затоа, вклучувањето на родителите во ваков разговор е од клучно значење за да се создаде здрава и точна слика за сексуалните односи.

Отвореното зборување ќе му помогне на детето да разбере што е безбедно за него, па понатаму да прави одговорни избори кога станува збор за избор на сексуален партнер.

Кога да почнете да разговарате за сексот со вашите деца?

Не постои „вистинска“ возраст кога да почнете да разговарате за сексот со вашите деца. Но, разговорот треба да почне барем во тинејџерските години. Како ќе му пристапите на детето зависи од возраста и нивото на зрелост.

Ова не вклучува разговор само за физичките аспекти на сексот, туку вклучува и анатомија, сексуална активност, интимност, контрацепција… Родителите треба да им дадат на децата информации за сексуално преносливите болести, ризиците од несакана бременост…

Зборувањето на оваа тема може да предизвика многу емоции, како што се страв или вознемиреност кај децата. Нормално е и децата, но и родителите да реагираат на овој начин, но емоциите не треба да ве предомислат во вашите намери.

Тинејџерите кои добиваат здраво и соодветно сексуално образование од родителите, имаат поголема веројатност да го одложат сексот за во позрели години и да користат заштита кога го прават тоа.

Како да почнете да разговарате на тема секс со вашите деца?

Не постои правилен начин за да го започнете разговорот со вашето дете на тема секс.

Обидете се да имате опуштен глас, а настојувајте и на чести и кратки разговори, при што детето ќе се чувствува поудобно да ви пријде секогаш кога ќе има некое прашање.

Продолжува на следната страница...