Вежби за деца што го активираат мозокот – ги подобруваат координацијата и концентрацијата

Користењето на недоминантната рака за секојдневни активности, како миење заби, ја подобрува концентрацијата.

Како што постојат вежби за телото, постојат и вежби кои го активираат мозокот.

Обично ова се движења кои бараат поголема концентрација и координација, па со текот на времето ги подобруваат овие аспекти.

А, кај децата во развој можат да имаат голем ефект.

Шест вакви вежби што можете да ги правите со децата:

Прва вежба

Вежбата вклучува правење секојдневни работи, како пишување, јадење и миење заби, со недоминантната рака.

На овој начин можат да се подобрат вниманието и концентрацијата.

Втора вежба

Пуштете му ја омилената песна нa детето и нека лази следејќи го нејзиниот ритам.

Со оваа вежба се подобрува координацијата на рацете и нозете, како и координацијата со визуелните и аудиторните дразби.

Трета вежба

Детето нека легне на подот со една свиткана и една крената нога.

Со крената нога, во воздухот нека „црта“ форми како бројот осум.

Нека ја повтори вежбата по неколкупати со едната, па со другата нога.

Оваа вежба ги подобрува фокусот, рамнотежата и координацијата.

Четврта вежба

Покажете му ја илустрацијата подолу на детето – треба наглас да ги кажува имињата на формите, а не да ја чита формата напишана во нив.

На почетокот веројатно ќе му биде предизвик, но со текот на времето ќе се подобри.

Петта вежба

На лист хартија, кажете му на детето да напише десет збора. Нека ги пишува истовремено со двете раце.

Слично како претходната, и оваа вежба е одличен тренинг за мозокот бидејќи ги активира двете хемисфери.

Шеста вежба

Оваа вежба ги подобрува моторичките вештини, но и концентрацијата.

Детето дека направи тупаница со двете раце и нега ги држи во висина на главата.

На левата рака нека го крене најмалиот прст, а на десната нека го крене палецот – како на илустрацијата подолу.

Нека изброи до три, па нека ги промени прстите – палецот на левата рака и најмалиот на десната.

Нека направи барем пет повторувања.

Спирова С. | Црнобело