Најважните вештини кои детето ги учи во градинка (и се поважни од чување дома)

Градинката не е само игра. Тоа е место каде детето првпат учи како да биде дел од еден свет и се подготвува за животот - учи социјални вештини, да се бори за своите работи, да биде самостојно, да комуницира, да функционира во заедница и да си создаде свој мал свет. 

Градинката не е задолжително и секој родител има право да одлучи дали своето дете ќе го прати да биде згрижено во градинка или ќе биде чувано дома, доколку воопшто има опција за избор.

Иако секоја страна си има свои предности и недостатоци, сепак градинката докажано ги учи децата на многу вештини кои се многу важни во текот на нивното растење и градење како личности.

Секако дека дел од вештините со многу работа може да се усовршат и дома, но можеби многу потешко и подолго, а некои и никогаш нема да се постигнат.

На Инстаграм кружи вирална објава за тоа кои се најважните вештини што детето ги учи во градинка.

Погледнете кои се тие, објавата ја споделуваме во целост:

Градинката не е само игра. Тоа е место каде детето првпат учи како да биде дел од еден свет.

Социјални вештини

Детето учи да споделува, да чека ред и да решава конфликти:

„Сакам и јас“ / „Тоа е мое“.

Самостојност

Во градинка не постои „дај мама ќе го направи тоа“.

• Се облекува само
• Јаде само
• Си ги подготвува работите само
• Оди во тоалет само

→ Со ова детето почнува да верува во себе.

Емоции под контрола

Тука детето првпат проаѓа низ процесот на раздвојување, фрустрација и љубомора.

Учи да каже: „Тажен/а сум“ / „Лут/а сум“.

Правила и рутина

Таму постои ред, постои ритам:

• Време за игра
• Време за јадење
• Време за одмор

→ Со тоа детето се подготвува за на училиште (и за животот).

Комуникација

Во група детето мора да се изрази:

• Почнува повеќе да зборува
• Поставува прашања
• Ги слуша другите

♥ Многу „тивки“ деца овде процветуваат.

Решавање проблеми

Преку игра детето учи да размислува:

• Како да сложи и состави нешто
• Како да се договори
• Како да дојде до целта

→ Со ова детето развива логика и упорност.

Чувство на припадност

„Ова се моите другари“.

• Заедништво
• Сигурност
• Самодоверба

→ Така ова станува мал свет кој е негов/нејзин.

♥ Градинката не е само подготовка за училиште. Туку и подготовка за живот.

M. M. | Црнобело / фото: depositphotos.com