Малечко девојче со голема желба: Може ли да го држам цвеќето на вашата венчавка?

Четиригодишната Анабел Ерл имала голема желба да биде дел од венчавка на која ќе може да стои до невестата и да ѝ го држи цвеќето.

Но, бидејќи во нејзината фамилија немало некоја закажана венчавка наскоро, а таа толку многу сонувала за ваков момент за кој слушала само приказни или гледала на телевизија, нејзината мајка смислила план.

Ја облекла во убаво бело цветно фустанче со розеви ружички и ѝ помогнала да напишат на голем плакат: Може ли да бидам девојчето што ќе ви го држи цвеќето?.

Така подготвени отишле во големиот трговски центар каде Анабел застанала држејќи го плакатот и чекала да помине некој пар кој сака да се венча и да ѝ ја исполни желбата.

По долго време, откако многумина ја забележале и само се насмевнале, решила да почне да оди и да ги прашува луѓето.

Така, конечно успеала да најде пар кој не можел да ѝ одолее и да ја одбие, па ја повикале на својата венчавка и ѝ дозволиле да стои покрај невестата со нејзиниот букет, додека трае церемонијата.

Анабел била пресреќна и многу убаво се чувствувала, па сакала повторно да отиде во трговскиот центар и да најде нов пар.

Таа е пример како искрените детски желби се остваруваат, па дури и од непознати луѓе.