Подготовка за градинка: 7 чекори за одвојување од родителите без солзи

На дечињата им е тешко да разберат заради што доаѓа до промена во нивното секојдневие и зошто токму тогаш треба да се одвојат од важните и блиски личности.

Затоа, секој родител треба да се потруди да му го олесни доаѓањето во нова и непозната средина, кое може да биде проследено со стрес и непријатност.

Имајте на ум дека на детето му е потребно време за да се навикне на градинката, да запознае нови луѓе и да стекне доверба во безбедноста на околината.

Како полесно да го подготвите детенцето за тргнување во градинка?

1. Покажете му на детето дека сте горди што е доволно големо за да може да оди во градинка без вас.

2. Доловете му ја новата средина на позитивен начин. Раскажувајте му ја градинката како интересно и забавно место каде ќе си игра со нови пријатели. Раскажувајте му ги и активностите кои го очекуваат. Гласот постојано нека ви биде позитивен и оптимистичен, но реален. Читајте му книги кои проодуваат во градинка и разговарајте со негови врсници кои неодамна го поминале овој процес.

3. Доведете го детето во градинката пред да го пуштите само. Покажете му како изгледа дворот, а како просторијата во која престојува. Дозволете му да види како децата играат.

4. Учете го детето на самостојност во хранењето, облекување и одржувањето на хигиена. Секогаш давајте му можност за избор. Учете го детето да одбере помеѓу две играчки со кои сака да игра или две маички кои дента сака да ги носи.

5. Учете го да соработува, средува и дели. Изменете ги правилата на некои игри во кои ќе ги истакнете добрите страни на делењето. Правете ги работите заедно.

6. Ако немате точно одреден распоред, воведете го. Одредете го времето кога се јаде, кога се чита приказна, кога се игра и кога се спие.

7. Овозможете му на детето средби со други дечиња. Вклучете го во активности и игри и пронајдете малку време за да му организирате домашни забави.