Најмладиот истражувач на светот: Бебето кое од 10 недели патува со своите родители

Повеќето тазе родители никогаш не би помислиле да продадат сè, да го напуштат домот и своето дете да го растат шетајќи низ светот.

Додека повеќето се мачат да научат како да сменат пелени или како да ја постигнат идеалната температура на млекото, 31-годишната Карен Едвардс и нејзиниот партнер Шон Бејс од Лондон, имаат многу поинаков начин на размислување.

Додека нивната ќерка Есме имала 10 недели, семејството решило да ја истражува Азија, Австралија и Нов Зеланд и максимално да го искористи одморот по породувањето кое ѝ следува на мајката.

Нејзиниот партнер Шон ја напуштил работата, го продале автомобилот, цели 10 месеци шетале нив Азија, Австралија и Нов Зеланд со само една торба. Есме била вакцинирана пред да ја напуштат Велика Британија.

„Малата госпоѓица е родена во Лондон, има мајка од Ирска и татко од Нов Зеланд. Таа е како родена за патување“ - вели Едвардс.

Откако се впуштиле во оваа авантура, ги обиколиле Ирска, Сингапур, Австралија, Индонезија, Малезија, Виетнам, Тајван, Хонгконг, Тајланд и Нов Зеланд.

„Не се каеме што Есме го пропатува светот, но едно нешто што и недостасуваше во текот на нашето патешествие беше социјализацијата со другите деца“ - објаснува мајката.

„Најчудниот дел беше враќањето дома. Есме не живеела некаде подолг период, бидјеќи постојано бевме во движење. Сега тешко ни е да најдеме работи кои ќе ѝ бидат интересни во Лондон, споредено со целиот свет“ - додава.

„Идејата е да ги инспирираме сите оние кои сакаат да патуваат, да знаат дека нивните денови во патување не завршиле само затоа што имаат дете“ - заклучува.

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. Д. | Црнобело