Приказната на мајката која откри непристојно фотошопирани фотки од 4-годишната ќерка

Рокси Јаченко едно утро се разбудила со гадење, откако својата 4-годишна ќерка ја видела на непристојно фотошопирани фотографии кои кружеле по социјалните мрежи.

„Почнав да се тресам на работното биро. Почнав да плачам, а тоа не ми се случува често. Да го видиш своето 4-годишно дете во таква ситуација, е болно. Да имаш идеја така сексуално да го претставиш детето, треба сериозно нешто да не ти е во ред со главата,“ раскажува лутата мајка.

Рокси е успешна бизнис жена со сопствена PR компанија, која е упорна и вели дека ќе помине преку сè за да го најде човекот кој и го загрозил детството на нејзината ќерка. Сега за сега има тројца осомничени кои ги пријавила.

Мајката се брани од нападите дека самата таа го загрозила детството на својата ќерка, со тоа што објавува приватни фотки на Инстаграм. Рокси вели дека сите слики се детски и соодветни, па зошто тоа би било некаков проблем или „провокација“.

Пикси има сопствена кариера како модел и Инстаграм профил со над 100.000 следбеници, а по овој инцидент приватноста на профилот е строго ограничена.

Според странските извори кои ги забележале фотките по социјалните мрежи, на една од нив Пикси стои веднаш до проститутка во Амстердам, додека на другата чита книга со корица на која двајца мажи имаат секс.

„Болно е и во моите очи ова е чиста педофилија,“ заклучува мајката.

М. Д. | Црнобело