Мајка секоја година ја фотографирала ќерката во свадбениот фустан за да види како расте

Една мајка решила да направи интересен спомен за својата ќерка, секоја година на нејзиниот роденден ја фотографирала во фустанот кој таа го носела за нејзината свадба.

Бренди Јироус е мајка на 14-годишниот Рајан и 12-годишната Алисон.

Таа објаснува дека кога била бремена со Рајан прочитала во списание дека убав спомен и начин на мерење на тоа колку секоја година расте детето е да го фотографирате во парче облека од родителот.

Па, тоа го правела за нејзиниот син Рајан - секоја година го фотографирала во стар пар фармерки од неговиот татко.

Кога останала бремена со Алисон, одлучила дека истото ќе го прави и за неа, но наместо стари фармерки, за нејзината ќерка го употребила нејзиниот свадбен фустан.

Па секоја година, по раѓањето, Алисон позирала во фустанот на својата мајка.

Јироус вели дека фотографиите ѝ помагаат да ги забележи суптилните промени во своите деца и како, од година во година, тие изгледаат поинаку.

Во еден момент кога прерамките од фустанот веќе не ѝ паѓале на Алисон, си рекла: „Ти навистина порасна...“.

Бренди вели дека овие фотографии ѝ помогнале да ја согледа трансформацијата на Алисон од симпатично девојче во прекрасна млада девојка.

• 
• 
• 
• 
• 
• 
• 
•  

Н. Г. | Црнобело