Хит видео: Како е да се биде мајка на девојчиња vs. мајка на момчиња?

И додека мајката на девојчиња како модна икона смирено парадира со своите наследнички, мајката на момчиња води битка да преживее, со модро око, со удар од топка, со песок на главата... Се согласувате ли дека навистина е толку различно да се биде мајка на девојче vs. на момче?

Хелен Блејк, позната на Инстаграм како Блонди, е мајка на близначки и со своите 5 милиони следбеници споделува случки и шеги од секојдневието.

Хелена вели дека нејзиното животно мото е да кажува „да“ и да пристапува кон сè со позитивност, па токму оттука доаѓа и нејзиниот прекар @yes_blondy.

Со сопругот поседуваат бизнис за изнајмување автомобили во Дубаи.

Таа вели:

„Имаме околу 100 кул автомобили кои се многу популарни (можеби сте изнајмиле некој од нашите, а да не знаете), а мојот втор бизнис е детска козметика.

Јас сум успешна деловна жена, но и актерка.

Со ова се занимавам уште од детството, но досега моите проекти не биле многу успешни и можеби не сте слушнале за нив. Но, тоа е само засега“.

Сега, таа сними хит видео во кое прави хумористична споредба како е да се биде мајка на девојчиња vs. мајка на момчиња.

И додека таа, како мајка на девојчиња, си се шета со нив безгрижно, трите совршено дотерани, мајката на момчиња седи на тротоар со модринка на окото, од случаен удар од синовите, додека едниот ја мава со топка, а другиот ѝ сипува песок на главата.

Се разбира, видеото е издраматизирано, но не е далеку од вистината, зарем не?

Кликнете на видеото:

С. С. | Црнобело