3 совети од преговарач во заложнички кризи: Како да ги натерате децата да ги послушаат вашите наредби?

Навистина не е лесно да ги натерате децата да ги соберат растурените играчки од подот или пак да ви помогнат за поедноставните домашни обврски.

Но, сепак постојат тактики и трикови со кои може да влијаете врз вашите деца и многу полесно и без расправии тие да го исполнат тоа што сте го побарале од нив.

Ќерката на еден преговарач во заложнички кризи, објаснува како татко ѝ секогаш знаел да постапи многу поинаку и таа без никаков проблем ги извршувала неговите заповеди.

Години подоцна, кога и таа веќе имала свои деца, ова се советите кои тој ѝ ги дал кога е во прашање воспитувањето на децата:

1. Секогаш бидете фини и љубезни

„На луѓето секогаш им е тешко да бидат злобни со некој кој е толку фин и љубезен со нив“ – објаснува тој. Кога барате од некого да изврши некаква непријатна задача, направете го тоа со насмевка. Смирувачкиот и пријатен глас ќе наиде на многу подобар прием од непријатниот и нападен глас.

2. Формулирајте ги наредбите како барања

Луѓето не сакаат кога некој им наредува што да прават. Кога преговарачите сакаат да ја натераат личноста која држи луѓе во заложништво да соработува, тие љубезно ја замолуваат истата да поразговараат за проблемот. Ако сакате вашата ќерка тинејџерка да ја исчисти нејзината соба, одвреме-навреме споменувајте ѝ дека собата и е малку несредена и прашајте дали има време да го среди тоа.

Кога нешто сакате да биде направено, барањето првично секогаш наидува на отпор. „Во таков случај потребно е да најдете некоја заедничка средина или компромис. Па така барањето за чистење на собата може да биде – „Штом завршиш со чистењето на собата ќе одиме на сладолед.“

3. Вежбајте активно слушање

Активното слушање е клучен предуслов кога дискутирате со некого.

Синот бара од вас да оди кај некој другар пред да го искоси тревникот? Не го прекинувајте. Ислушајте го неговото објаснување и спротивставете се на желбата веднаш да го изнесете своето несогласување.

„Убедете го синот дека внимателно слушате што има да каже и дека сте на негова страна. После ова преговарањето ќе биде многу полесно и поедноставно ќе го свртите во насока на исполнување на вашата цел.“

М. С. | Црнобело