Кога детето е подготвено да ја дознае вистината за Дедо Мраз?

„Биди добар/а и ќе добиеш подарок од Дедо Мраз!“, колку пати во животот сте ја слушнале оваа реченица?

Сепак со текот на времето доаѓа момент кога треба да се соочите со вистината.

Многу родители сметаат дека нема потреба тие да им ја соопштат вистината за Дедо Мраз на нивните деца бидејќи порано или подоцна тие ќе ја сфатат и самите.

Сепак, ако се одлучите вие да им го соопштите тоа еве кога е вистинското време за тоа.

Едно истражување спроведено на Универзитетот во Тексас покажало дека околу 70% од децата на 3-годишна возраст веруваат во Дедо Мраз.

Со оглед на тоа што 5-годишниците подобро ја разбираат смислата на подарувањето и празничната магија, воопшто не зачудува податокот што дури 83% од нив веруваат во Дедо Мраз.

Оваа бројка започнува да опаѓа како децата полека наближуваат кон 7 години.

Истражувањето покажало дека само 30% од 9-годишниците веруваат во постоењето на овој дедо.

Заради тоа стручњаците советуваат дека најдобро време за соопштување на вистината за Дедо Мраз е меѓу 7 и 9 години.

Тие, исто така, додаваат дека најдобар момент за тоа е кога децата и сами прашуваат, бидејќи тоа значи дека се подготвени да ја прифатат вистината. Детето кое не е подготвено, во секој случај ќе го игнорира вашето објаснување.

Според едно истражување спроведено во Велика Британија децата уште на 6 години ја дознаваат вистината за Дедо Мраз, но не го признаваат тоа пред родителите, и глумат изненаденост од новогодишните подароци.

Сè почесто се случува децата гуглајќи по интернет да ја дознаат вистината за Дедо Мраз. Секако тоа се должи на времето во кое живееме и пристапот на децата до интернет. Исто така големо влијание има дали детето има постари браќа или сестри кои веројатно ќе му ја откријат вистината многу пред вас.

М. С. | Црнобело