Слобода на избор, практична настава: 8 позитивни страни на американските училишта

Тие со помош на училишниот систем се учат на борбеност, снаодливост и одлучност.

Училиштето не е само место каде што се учи, туку и место каде што се формира личноста.

Образовниот систем на Американците кај нас го бие лош глас, но тој има и многу позитивни страни во обликување на личноста кај детето.

Во секој ученик се буди желбата за постигнување на успех во иднина.

Зошто децата од училиштата во САД се подготвени да го освојат светот:

Слобода на избор

Американските ученици учат да носат одлуки и да прават избори уште од најрана возраст.

Во училиштата има неколку задолжителни предмети, а останатите се изборни во зависност од интересите на личноста. Секој ученик има свој распоред и нема цврсто утврдени одделенија.

Оптимистички поглед на иднината

Децата ги учат дека нивната благосостојба во животот нема да зависи од избраната професија или занает во иднина, туку од нивниот успех во таа конкретна област.

Не значи дека ако сте банкар по автоматизам ќе бидете богати и успешни. Вие ако сте добар автомеханичар може да работите на највисоко ниво и да живеете во благосостојба.

Кредитен систем

Учениците постојано добиваат поени – кредити, кои ги носат на наредно ниво во образованието.

Најуспешните постигнуваат сè со помош на своите способности и посветеност, па наместо да ја трошат заштедата на своите родители, тие добиваат стипендија за на колеџ.

Постојано нови лица

Секоја година учениците имаат часови со други ученици и професори и на тој начин се учат да се адаптираат на нов тим и да се чувствуваат комфорно притоа.

Оваа вештина е многу корисна подоцна во текот на животот.

Независност

Американските ученици не ги гледаат своите учители како авторитет, туку како придружник во нивното образование. Неопходна е соработка со нив за максимални резултати.

Уште од детството децата се учат на независност, а училиштата константно организираат екскурзии и летни кампови за да придонесат за тоа.

Активно образование

Целта на американското образование е да изгради личност со многу интереси.

Учениците се вклучени во разни социјални проекти, одат на спорт, дел се од хуманитарни настани, драмски секции, дебатни клубови итн.

Малку домашна задача

Во американските училишта има малку домашна задача.

Најчесто учениците заедно прават повторување на тоа што научиле во текот на денот преку креативни проекти во училишната библиотека.

Учење низ практика

Учениците не учат теоретски правила и поезија на памет. Поголемиот дел од предметите им наложуваат учење низ практика.

Тие спроведуваат истражувања, смислуваат проекти, прават лабораториска работа во групи. Така, секој ученик сфаќа зошто му е потребно одредено знаење и како да го примени во животот.

С. С. | Црнобело