Модерни мајки: Како изгледа животот кога го форсирате детето да биде Инстаграм ѕвезда?
Мила и нејзината близначка Ема растат на Инстаграм профилот на нивната мајка. „Добредојдовте на овој свет, девојчиња без имиња,“ гласи првиот пост на мајката во 2014-та година.
Година подоцна, Кејти, мајката на близначките, го споделува своето породување со царски рез на YouTube. 4 години подоцна, Кејти има 3,7 милиони следбеници на Инстаграм, благодарение на нејзините близначки.
Мила е близначката која веќе е интернет ѕвезда. Луѓето ја застануваат на улица со молба да се сликаат со неа. Има фанови од цел свет – од Индија, Кина, па до Бразил.
Креирањето на онлајн брендот на Мила бил толку успешен, што нејзината мајка Кејти ја напуштила работата и сега е Инстаграм мајка со полно работно време.
„Фотосесиите не траат подолго од 15 минути, а во денот може да имаме дури 5. Само зависи колку близначките ќе соработуваат,“ вели мајката.
На прашањето колку заработуваат од еден Инстаграм пост – одбива да одговори.
Продолжува да раскажува како се одвива една просечна фотосесија:
„Дефинитивно има моменти кога сме во фаза каде морам да им кажам: после ова одиме на сладолед, за да соработуваат. Ема е малку потешка кога се работи за сликање и слично. Едноставно не сака.
Од друга страна, видеата на Мила се најпрофитабилни. Првите неколку од нив се проширија вирално. Снимањето на едно видео може да трае до три дена.“
Сепак, мајката вели дека не сакаат да претераат со нападни реклами.
„Искрено, ако можеме да направиме обично, нормално видео во кое Миа само го држи производот во рака, без да прави очигледна реклама, би го направиле.“
На прашањето дали смета дека еден ден кога ќе пораснат, близначките може да се чувствуваат засрамени од нивните онлајн постови, мајката одговара:
„Никогаш не споделувам ништо голо од нив. Секогаш имаат облека на нив. Евентуално пелени со еднорози.“
Исто така смета дека е нефер затоа што е осудувана од голем дел од мајките и општо, луѓето. Вели дека како што сите можат да се одлучат за професија, така таа се одлучила да ги слика своите деца и од тоа да заработува.
Вели дека парите кои ги заработува не се за неа, туку повторно за близначките.
Приказната ја завршуваме со едно интервју за Fox News.
Кејти и Мила беа во живо во програма, кога спикерот ѝ се обрати на малата Мила со прашањето:
„Па, Мила, ти си голема интернет ѕвезда. Какво е чувството да си славен?“
Малечкото девојче од скутот на мајка си само збунето одговори: „Аммм... Не знам.“
М. Д. | Црнобело
Би можело да ве интересира:
Препорачуваме
Најчитани неделава
