Што им се случува на бебињата во првиот час од животот?

Доаѓањето на новороденчето е магичен миг, тоа за првпат плаче, чувствува студ и светлина и му се случуваат низа други процеси.

Пред породувањето во главата ви поминуваат илјадници мисли околу тоа како да помине породувањето најдобро, која клиника да ја изберете, дали е подобро природно или царски рез итн.

Но, многу помалку се зборува за тоа што се случува по породувањето, односно што му се случува на вашето бебе кога ќе се роди.

Како изгледа првиот час од животот на новороденчето:

0 - 30 секунди: Бебињата го земаат првиот здив во првите 10 секунди и започнуват да плачат гласно, што прави белите дробови да проработат правилно. Тие, исто така, за прв чувствуваат многу работи како студ, светлина и гласни звуци.

30 секунди -1 минута: На вашето бебе колку што може поскоро ќе му биде пресечена папочната врвца, ќе биде топло обвиено и ќе го има првиот контакт со мајката. Во некои болници ќе биде ставено во вашата прегратка, во некои не. Допирот кожа до кожа ќе му помогне на вашето бебе да се приспособи на животот надвор од стомакот и да се подготви за првото хранење.

1 - 3 минути: На вашето бебе ќе му се направат некои тестови за да се одреди неговата здравствена состојба. Мерење на тежина, срцебиење, дишење, како и ставање на алка за препознавање. Медицинската сестра убаво ќе го исчисти бебето.

2.5 - 5 минути: Ако ви го дале бебето, додека тоа е на вашите гради полека ги отвора очите. Постепено ќе започне да ја движи главата и устата.

8 - 30 минути: Околу 8 минути по раѓањето, бебињата најчесто стануваат поактивни, држејќи ги очите отворени и до 5 минути. Почнуваат да чувствуваат потреба да бидат нахранети, гледаат во лицето на нивната мајка и испуштаат тивки звуци.

30 - 40 минути: Ќе имате повеќе време за милување со вашето бебе додека одморате или се обидувате да го надоите првпат, иако подолго време нема да успеете да имате успешно доење.

40 - 50 минути: Процедурите се различни од болница до болница, но на вашето бебе најверојатно ќе му бидат дадени витамини/антибиотици.

50 - 60 минути: Бебињата започнуваат да цицаат поуспешно, добивајќи мали дози колострум. Колострум е првото млеко на мајката, кое содржи повеќе вода, витамини и минерали, а помалку маснотии, поради што е поздраво. Посебно е важно присуството на имуноглобулин, специјален вид на протеин кој во колострумот го има пет пати повеќе отколку во другото млеко.

Се разбира, секое породување е различно и текот на работите може да оди и поинаку, но ова е отприлика да знаете низ што поминува новороденчето.

С. С. | Црнобело