Правило на 3 минути: Како соодветно да го поминувате времето со вашето дете?

Гледано од технички аспект, по работа, сигурно ви се потребни минимум 30 минути да подготвите ручек за детето, околу 15-20 минути да му прочитате книга и еден момент за да го бакнете пред спиење.

Но, според експертите, покрај сите овие периоди, постојат 3 минути, кои за детето ќе бидат многу поважни во текот на целиот ден.

Па, во продолжение дознајте што е тоа правило, како се спроведува и зошто е важно за разбирањето и добриот однос со вашето дете.

Значење на правило на 3 минути

Правилото е секој пат кога ќе се видите со детето да се однесувате како да не сте се виделе долго време (иако можеби поминале само неколку часа), за детето да се чувствува важно во вашиот живот, а не како ништо да не ви сменило што го гледате, додека сте замислени во нешто друго.

Важно е да му обрнете внимание на детето и да му дадете 3 минути за прегратка и да го прашате што се случувало додека ве немало.

Бидете фокусирани само на него и не го игнорирајте, бидејќи во тој момент детето само сака да сподели импресии, што можеби подоцна нема да сака.

Зошто е важно правилото?

Според психолозите, првите неколку минути од средбата, вашето дете ги искажува речиси сите информации кои му останале во сеќавање.

Последиците од игнорирањето на ова правило на 3 минути зависат од карактерот на детето.

Во секој случај, потрудете се во првите 3 минути, да му дозволите на детето да каже сè што му се случувало додека сте биле раздвоени и внимателно слушајте го, притоа игнорирајќи сè останато околу вас.

Дополнителни препораки

Важно е да запомните дека ова правило не значи дека треба да поминете со детето само 3 минути на ден.

Само бара од вас во првите 3 минути целосно да се посветите на него и на сите важни работи кои има да ви ги каже, за да оставите добра импресија пред детето.

М. М. | Црнобело