Како една мајка успеа да ги разлути родителите низ светот и стана мета на твитерџиите?

Строгиот став на Тониа околу исхраната на нејзините деца ги разлути твитерџиите.

Тониа Бакстон е автор на кулинарски книги, готвач и мајка на 4 деца, која со една изјава успеа да го разлути светот.

При гостувањето во една емисија таа дискутираше за својот строг став против шеќерот во нејзиното домаќинство и откри дека на своите деца не им дозволува да јадат ниту роденденски торти.

Шеќерот го спореди со кокаин и објасни дека никогаш нема да им дозволи на нејзините деца да јадат слатки и потоа да ги навлече и да бараат нова „доза“. „Бидејќи шеќерот има ист ефект на мозокот како кокаинот ќе направи децата да полудат, да трчаат наоколу и да бараат уште една и уште една доза слатки работи, па затоа подобро е воопшто да не им давате“, изјави таа.

Тониа смета дека децата не смеат да јадат ниту роденденски торти, а овој нејзин став ги разлути родителите ширум светот, кои ја осудија на Твитер оваа нејзина одлука.

„Токму тортата е дел од возбудата на децата кога одат на роденденски забави кај другарчињата, како смее тоа да им се одзема“, гласеше еден од твитовите на оваа тема, а другите се со ставот дека сè додека е умерено внесувањето на шеќер кај децата е во ред.

Но, имаше и такви кои сметаат дека децата и возрасните внесуваат премногу калории на дневно ниво и ако сакаме да се избориме со проблемот на дебелината мора да преземеме силни мерки, како Тониа.

Што мислите вие, дали забраната на Тониа е претерана или во ред? Дали би им приредиле такво нешто на своите деца?

С. С. | Црнобело