Танга гаќи, краден накит: Какви подароци добиваат наставничките од децата и родителите?

На крајот од школската година, многу ученици сакаат да им се заблагодарат на учител(к)ите или професор(к)ите, поздравувајќи ги со пригоден подарок. Така им велат „фала“ за сè што направиле за нив изминатите месеци.

Какви подароци потајно посакуваат, а што навистина добиваат наставничките од децата и родителите? Одговорот на ова прашање го дадоа 1200 просветни работници во анкетата на порталот Mumsnet.

Според спроведеното истражување, 64% од нив највеќе би ги израдувало нешто лично, за кое и не мора да се издвојат средства, како што е порака испишана од самите ученици. 57 проценти ќе ги развесели сличен гест и од родителите.

Скоро половина од испитаниците (47%), благодарни се и го ценат секој подарок што ќе го добијат. 77 проценти имаат впечаток дека дел од родителите се под притисок, поради купувањето заеднички подарок од целото одделение. 66% од наставничките се грижат за децата кои може да се почувствуваат отфрлено, доколку нивните родители не се во состојба да учествуваат со пари.

32% од просветните работници одговориле дека посакуваат да добијат вредносен ваучер, а 30 проценти сметаат дека фин подарок е и шише вино или друг алкохолен пијалак.

Повеќе од две третини од испитаните професори (62%), подароците кои не им се допаднале ги имаат донирано во хуманитарни цели, додека 42 проценти ги подариле на некого. Само 11% од нив ги фрлиле во ѓубре, или, пак, ги проследиле на недрага личност.

А, што сè спаѓа во оваа група? На списокот бизарни подароци кои ги добиле наставничките се: вреќа компири, краден накит, парфем освоен на лотарија (со налепница), отворена флаша вино, книга за планирање венчавка, танга гаќи, радио за автомобил, полупразна  бонбониера, лубрикант, машки лосион за после бричење...

М. А. | Црнобело