Мајки во викторијански период позирале додека дојат, кога тоа не било табу тема (фото)

Во последно време, сè почесто се дебатира на темата доење во јавност, а иако некои го одобруваат тоа, многу мајки наидуваат на предрасуди.

Сепак, има такви кои не потпаѓаат под влијанието на стереотипите и им се спротивставуваат на оние кои ги осудуваат, преку фотосесии од доење во јавност.

Па така, последен вирален хит стана мајката која во ресторан ја замолиле да се покрие додека дои, а таа во знак на протест, наместо градата, си ја покрила главата.

Долги години е табу жените да ги дојат своите деца во јавност, но тоа не било отсекогаш така.

Уште во викторијанскиот период (1837–1901), било сосема нормално жените да ги дојат децата во јавност.

Иако жените во тоа време не требало да бидат разголени, биле скромни и покриени, во таков случај се знаело дека тоа е потреба за детето и не било воопшто срамно.

Освен што доеле во јавност, богатите жени во 19-ти век најмиле фотографи и позирале додека дојат за да го доловат тој посебен момент со нивните деца.

Но, по 1900-та, жените полека престанале да ја ценат вредноста на доењето и до 1950-тите само 20% од мајките го правеле тоа и со тек на време тоа станало табу тема.

Сега, по околу 200 години од тоа време кога доењето во јавност било нормално, повторно почнуваат да се рушат стереотипите и мајките се спротивставуваат на она што за многумина е табу.

Што мислите вие за ова?

Во продолжение погледнете ги фотките од мајките во викторијански период кои позирале додека дојат:

• 
• 
• 
• 
• 
• 
• 
• 
• 
• 
•  

М. М. | Црнобело