Сакате да израснете среќни деца? За почеток, мора да ги научите што е несреќа и незадоволство

Што најмногу посакувате за своите деца? „Да бидат среќни“ е најчестиот одговор.

Желбата да усреќиме нашите деца постојано, 24 часа во денот, 7 дена во неделата, 365 дена во годината прво е сосема невозможна, а второ безумна.

Кога очајно се обидуваме да ги направиме децата среќни по секоја цена создаваме нежни, кршливи и парадоксално – несреќни деца и тинејџери.

Само помислете на оние деца кои им се обраќаат на родителите со некој вид на заповед – „Сакам сега!“, а родителот ја губи главата во обидот да ја исполни желбата.

Колку повеќе „играте“ онака како што децата ви „свират“, толку повеќе нивните тантруми ескалираат.

Во што е тајната? Со цел вашите дечиња да бидат среќни, мора да ги научите да го преживеат периодот на „несреќа“. Наместо да ги криете под стаклено ѕвоно од емоциите како разочарување, бес, незадоволство, фрустрација, помогнете им да се соочат со истите.

Само преку една генерација, односот со децата се смени за 180 степени. „Оди во твојата соба, затоа што јас реков така!“, одеднаш се трансформираше во – „Не сакаш во кревет? Ајде да зборуваме што те мачи околу 2 часа, а потоа јас ќе легнам до тебе и нема да станам додека мирно не заспиеш“.

Никогаш не е прерано да ги научите децата како да се справуваат со своите чувства, бидејќи бебињата имаат т.н. огледални неврони во мозокот. Тие го копираат нашето однесување и на тој начин го обликуваат сопственото.

Кога родителите успешно се соочуваат со емоциите пред своите малечки, тие им помагаат уште од најмали нозе да воспостават модел на позитивно справување со емоциите.

(О)Милена | Црнобело