Што да јадете, а што да избегнувате ако се обидувате да останете бремени?

Целокупното здравје има голема улога врз плодноста, иако многумина одбиваат да го сфатат тоа.

Доколку се обидувате да забремените, начинот на живот, но и исхраната се клучни фактори на кои треба да обрнете внимание.

Истражувањата покажуваат дека постои храна која помага при процесот на забременување, а секако, има и храна која може да го спречува или да предизвика некои нарушувања.

Покрај правилниот начин на исхрана, важно е и целосно да се грижите за здравјето, да избегнувате големи количини алкохол, да внимавате на тежината, да избегнувате стресови и да водите активен живот.

Кога станува збор за исхраната, доколку се обидувате да останете бремени, важно е да се држите до овошје, зеленчук, производи од цело зрно пченица и протеини, но да не се претерува со оние од животинско потекло.  

Неопходно е да се лимитира внесот на преработена храна, храна полна со шеќери и производи со адитиви, бидејќи покрај тоа што влијаат лошо на нивото на шеќер во крв, тежината и целокупното здравје, најмногу му пречат на црниот дроб, кој има голема улога при регулирање на хормоните кои се клучни за постигнување бременост.

За да се поттикне плодноста, не значи дека треба само да внимавате на исхраната, туку и на она што го пиете, па затоа алкохолот треба да е сведен на минимум, исто како и кофеинот.

Тежината, независно дали е повеќе или помалку од нормалното, исто така влијае на плодноста, па токму затоа начинот на исхрана е важен за одржување на тежината, како и на здравјето.

Затоа, независно дали сте имале проблем со плодноста или само сакате да го намалите ризикот за макотрпен процес и да успеете во целта полесно, обидете се да обрнувате повеќе внимание на исхраната и да направите некои промени, без притоа да ви претставуваат потешкотија.  

Што треба да избегнувате да ги внесувате ако се обидувате да забремените:

• Грицки и брза храна полна со трансмасти
• Нефилтрирана вода
• Храна полна со шеќери и јаглехидрати
• Храна базирана на соја
• Газирани пијалаци
• Видови на риби кои содржат голема концентрација на жива
• Лекови кои може да го спречуваат процесот, а не ви се неопходни
• Млечни производи со ниско ниво на масленост
• Бел леб
• Алкохол

Што треба да внесувате ако се обидувате да забремените:

• Леб од цело зрно пченица
• Зрнеста храна
• Лисести зеленчуци
• Маслиново масло
• Семки од тиква
• Лосос
• Млечни производи со полна масленост
• Многу овошје и зеленчук

М. М. | Црнобело