Што треба да знаете за пубертетот и како да го подготвите детето за овој период од животот?

Пубертетот е еден од оние периоди во животот кој важи за исклучително бурен и неретко стресен, па децата треба да се запознаат со она што ги чека. Затоа, треба на најдобар начин да им објасните што сѐ ќе се случи.

Додека трае пубертетот, кај децата се случуваат големи промени - како психички, така и физички.

Овој период може да биде мошне стресен за децата, па вие како родител треба да им помогнете полесно да го пребродат, но и да ги подготвите за она што следи.

Што треба да знаете за пубертетот и како да го подготвите вашето дете?

Подгответе ги децата навреме

Родителите знаат дека е најважно детето да има доверба во нив, а тоа можат да го постигнат само ако од самиот почеток воспостават добар однос кој се темели врз комуникација и разбирање.

Не постои вистински момент кога треба да почнете да зборувате со вашето дете за пубертетот и промените кои следат.

Веројатно, постои и можност детето да не разбере за што точно му зборувате или веќе да е запознаено со некои работи.

Веќе околу нивната 9-та година, можете суптилно да почнете да разговарате со децата. Ако, пак, забележите знаци дека пубертетот почнува и порано, не го одложувајте разговорт. 

Најважно е да објасните дека промените кои се случуваат не се страшни и дека тоа не им се случува само на нив, особено ако станува збор за телесните промени, како растењето на влакната и менструацијата.

Како се развиваат децата?

Се случува децата во текот на пубертетот да се соочуваат со голема криза и да се повлечат во себе затоа што мислат дека возрасните нема да ги разберат и дека е потребно сами да поминуваат низ еден од најтурбулентните периоди во животот.

Децата се преплашени, а често и засрамени.

Кај девојчињата, пубертот почнува помеѓу 8 и 13 години, а кај момчињата - помеѓу 9 и 14 години.

Имајте на ум дека секое дете е различно и пубертетот може да почне порано, но и подоцна.

Поради лачењето хормони, кај машките се јавува мутирање на гласот и почнуваат да им растат влакна, а кај девојчињата почнуваат да се појавуваат облини. Влакната се нормална појава и кај девојчињата. 

Во пубертетот почнува и првата менструација што е многу важен (но и стресен) момент во животот на секое девојче.

Исхраната во пубертетот

За време на пубертетот се случуваат големи физички промени, што значи на децата и тинејџерите во овој период им треба здрава храна.

Сосема нормално е да се јават промени во апетитот, како и во телесната тежина.

Генерално, осигурете се дека вашето дете ќе јаде многу овошје и зеленчук. Важно е да внесува и доволно протеини со храна како пилешко месо, јајца, јаткасти плодови и риба.

И млечните производи се добар извор на протеини, но и на калциум кој е потребен за развојот на коските.

Ако вашето дете има вишок килограми, немојте да го притискате да ослаби, а уште помалку да го критикувате неговиот изглед.

Овој лош пристап може да создаде погрешна слика за неговото тело и подоцна да биде причина за нарушувања во исхраната.

Кога станува збор за исхрана и вишок килограми, разговорот со експерт е секогаш најдобро решение ако не сте сигурни за вашиот пристап.

М. П. | Црнобело