Првородените деца се попаметни од своите помали браќа и сестри

Дали некогаш сте почувствувале дека родителите повеќе го сакаат вашиот постар брат или сестра? Можеби во детството тој или таа добиле повеќе внимание од страна на родителите, а со самото тоа имале и повеќе корист кој подоцна им помогнала да постигнат многу повеќе нешта во текот на животот.

Првородените деца се попаметни од своите помали браќа и сестри, покажало новото истражување спроведено во Единбург. Истражувањето вклучило 5000 деца кои биле набљудувани и анализирани од раѓањето па до 14-годишна возраст.

Децата биле тестирани на секои 2 години преку тестови кои вклучувале читање и фонд на зборови. Откриено е дека првородените деца до својот прв роденден покажувале подобри резултати за разлика од помладите браќа и сестри.

За тоа слободно може да ги „обвините“ мама и тато, пишува Men’s Health. Иако родителите на сите свои деца им даваат еднаква емотивна поддршка, потврдено е дека првородените деца добиваат поголема интелектуална потпора.

Воедно, родителите со помалите дечиња поминуваат многу помалку време во решавање задачи со чија помош се развиваат интелектуално, како читање, свирење инструмент и занимавање со некое хоби.

Да биде работата уште полоша, мајките во втората и секоја наредна бременост се однесувале помалку совесно за разлика од првата, свесно преземајќи одредени ризици, како пушење и консумација на алкохол.

Доколку вашиот постар брат или сестра имале подобри оценки од вас, имајте предвид дека истите имале и одредена предност како прво родено дете во семејството имале поголема здравствена, емотивна, но и интелектуална поддршка.

(О)Милена | Црнобело