Дали побрзо стареат жените со едно или жените со повеќе деца?

Изгледа дека популарното мислење дека мајките стареат побрзо поради стресот и не е баш вистина. Ова го покажале резултатите на едно интересно истражување спроведено во Канада.

Во истражувањето биле проучувани 75 жени, во период од 13 години. Според резултатите, бројот на родени деца има влијание врз темпото на стареење на жената, но на поинаков начин од очекуваното.

Истражувањето го водел професор Пабло Непомански, кој ја барал поврзаноста помеѓу бројот на децата и должината на теломерите на мајките.

Теломерите се наоѓаат на крајот од ДНК молекулата и се клучни во процесот на стареење. Имено, со текот на времето нивната должина се намалува, што пак е причина за исчезнувањето на клетките. Овие промени најпрво се забележуваат на кожата и косата.

Интересно е што истражувањето покажало дека жените кои родиле повеќе деца, имале подолги теломери. Ова значи дека тие најверојатно стареат побавно.

„Побавното скратување на теломерите кај жените со повеќе деца можеме да го поврзиме со драматичното зголемување на естрогенот, хормон кој најмногу се лачи во бременоста“, објаснил Непомански.

Сепак, тој нагласил дека иако естрогенот го забавува скратувањето на теломерите, постојат и надворешни фактори кои влијаат врз темпото на стареење на жената со повеќе деца.

Одгледувањето и грижата за семејството и пријателите може да ја зголеми нејзината метаболичка енергија.

Спирова С. | Црнобело