Јухи јухи јеј - почна грејна сезона - време е за board games

Како што се намалува денот се намалуваат и температурите па дружбите пред зграда се сè поретки. 

Нашиот тим направи листа на најдобрите indoor игри што може да направат попладнето да помине во добро расположение и без многу ТВ и интернет.

Родителите може да учествуваат во игрите или да бидат помошници и судии или само да подготват овошје, палачинки и други закуски со кои ќе се подобри вкупното искуство.

Па да почнеме од најлесното:

1. Карти! Со деца дури од 3 години веќе можете да играте „Магаре" а како растат и ги препознаваат бројките ќе можете да играте "Џандар збира", па потоа "Макао" (или по ново UNO), па потоа "Табланет" за вежбање брза аритметика. 

2. Отсекогаш омилената - "Монопол“.

3. Под услов да нема лутење - "Не лути се човече".

4. Табла - една од најстарите игри на табла за двајца. Секој играч има петнаесет пулови кои ги движи помеѓу 24 полиња (триаголници) во зависност од фрлањето на двата зара. Целта на играта е еден од играчите да ги „извади“ сите пулови надвор од таблата.

5. Шах - ги развива аналитичките способности кај децата и го поттикнува нивниот здрав натпреварувачки дух. Истовремено ги забавува децата.

6. Пикадо - Одлична спортска занимација за целото семејство. Може да учествуваат дури 8 члена во играта.

7. Скриено богатство - Решавањето загатки и потрагите по скриено богатство отсекогаш биле омилени игри на децата. А во потрагата може да се вклучат и најмладите членови на семејството.

8. Фудбал со прсти – земете мало топче, направете импровизирани голчиња на масата и шутирајте голови користејќи ги само прстите. Децата на овој начин развиваат моторика на движењата со рацете.

9. Асоцијации – умствена игра која поттикнува когнитивен развој и логично заклучување кај децата.

10. Пантомима – ќе има многу смеење кога мама и тато ќе се обидуваат да објаснат некој предмет со раце и нозе.

11. Х/0 – брза и едноставна занимливост за која ви се потребни само ливче и пенкалце.

12. Бесилка – одлична игра ако децата се на возраст кога ги учат буквите и го збогатуваат вокабуларот.

За време на игрите, музика во позадина може да има само позитивен ефект врз играчите и атмосферата. 

Во изминатите години, детската музичка продукција беше значително збогатена со преработки на стари македонски хитови кои и родителите сакаат да ги слушаат и пеат. Плејлиста со најдобрите изведби од бендот 5+ можете да најдете тука.  

Која е вашата омилена игра и која е вашата омилена песна?

Еве ја нашата: