Таткото ја оставил сама 3-годишната ќеркичка на 10 минути - таа изела 18 овошни јогурти

Додека нејзиниот татко работел во градината, малечкото девојче за 10 минути успеало да отвори и изеде 18 овошни јогурти.

27-годишниот Арон работел во градината 10-тина минути, а во домот ги оставил двете деца да си играат.

Тој на одреден период влегувал да ги провери децата – Оливиа гледала телевизија во кујна, а нејзиниот брат Оскар (6) играл видео игри во дневната соба.

Оскар еднаш го предупредил неговиот татко дека Оливиа јаде јогурт, но Арон му рекол да не се грижи бидејќи таа често знае сама да си отвори еден јогурт и да си го изеде.

Но, кога 10 минути подоцна таткото влегол во кујната, сфатил дека ќеркичката не изела 1 јогурт, туку ја испразнила цела залиха од фрижидерот.

„Кога ја видов на маса со 18 празни јогурти, ја прашав дали ги изела сите, а таа гордо одговори ‘дa’. Беше задоволна што го направила тоа, а јас не можев ни да ја искарам бидејќи беше смешно. Не ми се веруваше, па решив да направам фотографија од овој момент.“ – изјавил таткото чии фотки вирално се проширија.

М. М. | Црнобело