„Што се случи со моите деца откако им забранив да користат телефони и таблети?“

Една мајка забележала дека времето поминато пред екран има лошо влијание врз нејзините деца, па решила дека е време за промена.

Таа им забранила на своите деца да користат технологија, а не ѝ се верувало колку лесно било да се направи тоа.

Она што најмногу ја изненадило било едно утро, кога нејзините деца ги земале своите книги и едноставно, им се придружиле неа и на татко им во читањето.

„Оваа фотографија не е местена.

Пред неколку месеци, им ги одзедовме уредите со екрани на децата. Зошто? Бидејќи моите слатки малечки се однесуваа како чудовишта. А на мама не ѝ се допаѓа тоа.

Им дозволувавме само еден час дневно, но сепак, екраните и електронските уреди ја замолчија нивната креативност, предизвикаа раздразливост, кавги и плачење. Не ми се допаѓаше. Па, ставивме крај на тоа.

Протестираа цела минута, а потоа се смирија. Не можев да верувам колку е лесно. Сериозно, беше како да им го чувам грбот на моите деца.

Гледав како моите деца преминуваат од фаза на зависност од електронски уреди, кон фаза на заедничко играње, креирање, па дури си направија и нивно ’училиште‘. Не ми се веруваше колку беше лесно.

Се разбира, технологијата може да биде корисна кога се употребува правилно… но после проценката на однесувањето на моите деца, знаев дека ни треба одмор од технологија.

Неколку викенди по нашиот детокс од екрани, моите деца се разбудија едно по едно и нè видоа мене и сопругот како читаме во кревет. Ги земаа нивните книги и ни се придружија. Во рестораните носат куп книги наместо таблети. Ќерка ми постигна голем напредок во читањето за само 7 месеци.

Навистина ја препорачувам семејната пауза од екрани.“

Спирова С. | Црнобело