Водич за тазе родители: Како НЕ се држи детето?

Секој родител е загрижен за безбедноста на своето дете, па внимава како го држи.

Но, изгледа дека некои од честите начини на држење можат да му наштетат на вашето малечко.

За да ги избегнете проблемите и опасностите, никако немојте да го држите вашето бебе на следниве начин:

Држење под пазувите

Кога го држите бебето, многу е важно да му ја држите и главата. Бебињата немаат развиени мускули во вратот, па наглото движење на главата може да резултира со повреди.

Децата немаат добра потпора на главата сè додека не наполнат 4-6 месеци.

Носилка

Носилките не се опасни, но треба да знаете како да ги користите.

Важно е да ги наместите нозете на детето исто како да го држите во раце.

Доколку нозете на бебето висат, тоа може да предизвика проблеми со неговите колкови.

Ставање на главата на детето на вашето рамо

Ако го држите бебето на градите, обрнете внимание на неговото лице – тоа треба да биде над вашето рамо.

Во спротивно, му го отежнувате дишењето, а нечистотиите од вашата облека можат да навлезат во неговата уста.

Не ги менувате страните

Кога го држите вашето бебе, важно е да ја менувате страната.

Причината се неговите неразвиени мускули. Ако не ја менувате страна на држење, мускулите на едната страна од вратот можат да се развијат помалку.

Не внимавате на грбот

Никогаш не треба да го држите бебето само за задникот и главата. Пред сè, на овој начин постои голем ризик да падне.

Покрај тоа, во оваа положба се преоптоварува неговиот ’рбет. Па, секогаш држете го и грбот на бебето со едната рака.

Држење на бебето свртено кон напред

Во оваа положба, потешко ви е да го контролирате вашето малечко.

Покрај тоа, овој начин на држење создава притисок на неговиот грб, а нозете на бебето висат.

Секогаш држете го бебето свртено кон вашите гради.

Спирова С. | Црнобело