Исповед на една мајка: Како се справувам со две деца и што ми помага?

„Марихуаната ми помогна многу, особено кога станува збор за мајчинството. Никогаш не сум била премногу трпелива со своите деца, а марихуаната всушност прави да сум подобра мајка. Ја консумирам секојдневно.

Никој не се чуди кога мајките уживаат во чаша вино или две секој ден откако децата ќе си легнат во своите кревети, но се муртат кога ќе слушнат дека палам џоинт. Тоа предизвикува огромен шок“, вели Caitlin Fladager, мајка на 2 деца од Ванкувер, Канада.

Таа се одлучила да проговори јавно на оваа тема со цел да ја подигне свеста кај луѓето и да им објасни дека марихуаната не е најголемото зло како што многумина веруваат.

Кејтлин страдала од депресија и анксиозност и благодарение на марихуаната состојбата ѝ се подобрила. Успеала да ја зголеми својата телесна тежина откако претходно била преслаба, на границата да се разболи од нешто сериозно.

„Сега ја имам најздравата тежина во мојот живот. Во ред е да си запалите џоинт доколку тоа ви помогне да не консумирате лекови. Јас успеав воопшто да не пијам антидепресивни медикаменти“.

Младата мајка открила дека претходно имала и проблеми со алкохолот, а и со своето однесување кое следувало после консумирањето на истиот.

„Исповед на една анксиозна мајка: Мразам колку многу им викам на своите деца“.

„Марихуаната ми помогна да престанам да пијам алкохол. Искрено радо би запалила џоинт отколку да пијам алкохол. Марихуаната е мојата чаша вино, мојата лименка пиво, моето време за опуштање. И сметам дека и понатаму можам да бидам супер мајка, иако консумирам марихуана“, завршува Кејтлин.

„Мојата депресија и анксиозност може да ме направат одвратен пријател - но не се извинувам“.

Инаку, марихуана во Канада е легализирана од 18 октомври, 2018 година. 

Што мислите вие, дали марихуаната помага во тоа да бидеш подобар родител или напротив?

Каков е вашиот став на оваа тема?

(О)Милена | Црнобело