„Ќе те земе полицаецот“- негативни последици од лажењето на децата

Едно неодамнешно истражување вели дека родителите не треба да користат дури ни безопасни или таканаречени бели лаги во процесот на едукација на нивните деца, затоа што на овој начин, на долг рок, тие негативно влијаат врз психолошкиот развој на детето. 

Кога родителите ги лажат (и им се закануваат) на децата дека ќе ги однесе полицаецот или злобната вештерка ако не се добри, во иднина овие деца ќе ги лажат другите луѓе околу нив.

Иако, заради брзината на ефектот, ваквите лаги служат за брзо решавање на проблемите, истото на долг рок негативно влијае на развојот на личноста на детето.

Проблемот со ваквиот однос на родителот се нејасните и неконзистентните пораки.

Кога родителите им кажуваат на децата дека е важно секогаш да ја кажуваат вистината, и дека не е добро да се лаже, а потоа со нивниот пример им покажуваат нешто сосема спротивно, испраќаат нејасна порака.

На овој начин поимот на вистината и моралот станува претерано флексибилен, а децата учат да постигнуваат цели во животот преку лаги и манипулации.

Истражувањата покажале дека не треба да ги лажеме децата, ако не сакаме и тие да лажат еден ден кога ќе пораснат, но резултатите, исто така, покажале дека децата на кои родителите често им кажувале лаги, во зрелоста имаат поголема психолошка и социјална дисфункција.

Постојат и некои ограничувања во истражувањето, како што е веродостојноста на ретроспективното сеќавање на лагите од детството.

Сепак, истражувачите велат дека може да биде корисно родителите да размислат пред да им кажат на своите деца наводно безопасна лага.

Секогаш е подобро родителите да ги препознаат емоциите и потребите на своето дете и да бидат разумни со нив.

Треба да се обидат да им објаснат зошто не треба да направат нешто или зошто можат или не можат да го направат во тој момент.

Ашера | Црнобело