Искуство на мајка: Зошто не треба да ги кревате децата држејќи ги за раце?

„Дури кога стигнавме дома, забележав дека не ја мрда раката нормално. Почна да плаче и ѝ реков да проба да ја свитка раката. Тогаш ми текна дека татко ѝ ја вртеше држејќи ја за рацете и знаев дека нешто не е во ред.“ – вели мајката во предупредување за сите родители.

Многумина имаат навика да си играат со децата така што ги креваат и вртат држејќи ги за рацете, навика за која многумина велат дека е лоша, но никој не знае зошто. 

Според експертите, децата до 4 години имаат послаби лигаменти и помалку развиени коски, што значи дека се во поранлива состојба и може да дојде до изместување на рамото или лактот.

Иако повредата е болна, сепак не остава долгорочни штети, но во секој случај е препорачливо да се избегнува оваа активност. Како што децата растат, така стануваат поотпорни на оваа повреда.

Мишел Стејн е мајка на три деца, а решила да го сподели нејзиното лошо искуство кое открива зошто треба да ја избегнувате оваа навика.

„Бевме на роденденска забава. Нашата двегодишна ќерка беше свртена кон сопругот и го држеше за раце додека си ја префрлаше цела тежина наназад. Сопругот продолжи да ја влече и поткрева и по малку да ја врти. Таа мислеше дека е забавно, додека престана да биде забавно.

Немавме поим што се случи кога почна силно да плаче. Тоа се случи откако помина нејзиното вообичаено време за спиење , па мислевме дека е изморена или лута што престана да си игра со татко ѝ. Ја држев во прегратка додека не заспие. Но, кога се разбуди, повторно почна да плаче.

Дури кога стигнавме дома забележав дека не ја мрда раката нормално. Почна пак да плаче и ѝ реков да проба да ја свитка раката. Тогаш се сетив дека татко ѝ ја вртеше држејќи ја за раце и знаев дека нешто не е во ред. Беше недела вечер и ја однесовме на ургентно.

Докторот веднаш се посомнева на изместен лакт. Ја стави едната рака на нејзиниот лакт, а потоа направи некој чуден потег за да ѝ го врати на место. Веднаш престана да плаче и почна да ја мрда раката нормално.

Мило ми е што ја однесовме бидејќи можевме да направиме повеќе штета ако сами пробувавме да ѝ помогнеме. Сопругот се чувствуваше виновно што несвесно ѝ предизвикал болка на ќерката со која и претходно си играл така, но никогаш не се случило ништо, но сепак – ја научивме грешката!“

М. М. | Црнобело