Педијатрите препорачуваат: 7 причини зошто да не му купувате мобилен телефон на детето до 12 години

Децата до втората година воопшто не треба да се изложуваат на технологија, додека од 3 до 5 години, тоа изложување не смее да трае подолго од 1 час во денот, според Американската педијатриска академија и Канадското здружување на педијатри.

И дали овие препораки некој ги слуша? Главно не, бидејќи во секојдневието децата се изложени по 4 до 5 часа пред екран.

Педијатрите препорачуваат детето да нема свој мобилен телефон до 12-тата година, поради подобра контрола со која ќе може да се ограничи неговото време поминато пред екран.

Овој став педијатарот Крис Рован го „брани“ со неколку аргументи - прочитајте дел од нив во продолжение:

1. Мозокот непрекинато се развива до 21 година, а претераната изложеност на паметни уреди негативно влијае на работата на мозокот и предизвикува недостаток на внимание, отежнато учење, зголемена импулсивност и намалена способност за самоконтрола.

2. Употребата на технологија ја намалува потребата за физичко движење, што предизвикува одложен развој.

3. Децата на кои им е дозволено да гледаат телевизија или во мобилен повеќе часа дневно, имаат 30% прекумерно поголема тежина од останатите.

4. На ¾ од дечињата на возраст помеѓу 9 и 10 години им недостасува сон, поради недоволната контрола од страна на родителите. Тоа влијае и на успехот и концентрација во училиште.

5. Прераната и пречеста употреба на паметни уреди е тесно поврзана со појавата на анксиозност и депресија кај децата.

6. Агресивноста е многу почеста кај децата кои се подолго изложени пред телевизија, мобилен телефон или интернет игри, зависно од содржината која ја следат.

7. Секое 11-то дете на возраст помеѓу 8 и 18 години е зависно од технологија (оваа бројка досега може и да е зголемена).

М. Д. | Црнобело