„Мојот 9-годишен син сака од заштедата да си купи брендирана капа од 10.700 денари, дали да му дозволам?“

„Мора да си поставиш сериозни прашања околу плиткиот и материјалистички начин на кој го воспитуваш синот и на вредностите што го учиш. Сирото дете“ е еден од коментарите.

Мајка од Велика Британија во групата Mumsnet анонимно прашува дали на нејзиниот 9-годишен син да му дозволи да купи Gucci федора шапка од 10.700 денари.

Вели дека нејзиниот син штедел пари од родендени и подароци и дека сака поголемиот дел од заштедата да си го потроши на брендирана шапка затоа што многу сакал мода.

Татко му го поддржал во идејата, но таа самата мисли дека е лудо да му дозволи да ја купи скапата шапка.

И додека некои од луѓето ја охрабруваат да му дозволи да си ја потроши заштедата на што сака, други ја предупредуваат дека не треба да го охрабрува да биде материјалист од мал и да троши толку многу.

Еден од коментарите е :„Апсолутно не, каква смешна идеја. Не би потрошила 10.700 денари за брендирано модно парче дури ниту за мене, а не пак за мојот 9-годишник. Мора да си поставиш сериозни прашања околу плиткиот и материјалистички начин на кој го воспитуваш синот и на вредностите што го учиш. Сирото дете.“

„Ако е по модата, тогаш тоа е негова работа. Ако беше по Лего и сакаше да ги потроши парите на тоа верувам дека немаше да биде проблем. Мислам дека секој има право на избор“, заклучи друга мајка.

Што мислите вие за ова? Сте се нашле ли во слична ситуација? Или можеби познавате некој од вашето опкружување со слични маки?

Вистина е дека секој има право да ги троши парите како сака, но сепак е малку претерано...

Повеќе коментари на темата ТУКА!

С. С. | Црнобело