„По многу обиди, стотици негативни тестови за бременост и тон солзи, јас сум мајка на четворка“

„Купивме дом и веднаш почнавме да се обидуваме да имаме бебе. Бевме многу млади и воопшто не очекував дека е можно да имаме некакви проблеми, но...“, ја почнува својата приказна Хана од Охајо.

Хана Мертон од Охајо е мајка која отворено говори за борбата со неплодноста, предвременото породување и губењето на бебе за да ги охрабри и другите жени кои се соочуваат со истото и да им каже дека не се сами.

Нејзината искрена исповед:

„Откако се сеќавам за себе знам дека посакував да станам мајка. Доаѓам од огромно семејство и имам 7 браќа и сестри.

Ја сретнав љубовта на мојот живот на 15 години, станавме најдобри другари прво, а по една година почнавме да се состануваме. Се венчавме веднаш по средно училиште и иако сите ни велеа „Тоа нема да потрае“, ние успеавме.

Купивме дом и веднаш почнавме да се обидуваме да имаме бебе. Бевме многу млади и воопшто не очекував дека е можно да имаме некакви проблеми.

По година дена обиди и стотици негативни тестови за бременост, илјадници солзи и милион пати подгревање на нашите надежи и потоа разочарувања, појдов на доктор да направиме некои тестови.

Mи беше дијагностициран Синдром на полицистични јајници. Ми дадоа лекарства за баланс на моите хормони. Потоа сѐ изгледаше во ред, но јас уште не можев да забременам.

По уште 6 месеци обиди, појдов пак на специјалист за многу подетални испитувања и ми беше откриено некое запушување на каналите и бев подложена на низа третмани и на асистирано оплодување.

По многу третмани и молитви, на 5-ти октомври 2019 конечно го добив мојот позитивен тест за бременост. Мојот сон конечно се исполни по 2 години обиди.

Мислев дека носам близнаци, а мојот сопруг сметаше дека сум луда. Не знам што се случило, но имало овулација и од левата страна на јајниците, за која мислев дека е блокирана.

Имаше период кога ништо не беше сигурно и бев преплашена, но на ехото кое го направив на 8 седмици бременост се видоа 5 бебиња, а на 16-тата недела дознавме дека ќе имаме 3 девојчиња и 2 момчиња. Тогаш веќе конечно можев да се опуштам и да уживам во бременoста.

Но, на 23-тата недела повторно бев во болница затоа што на докторите нешто им беше чудно. На 25-тата недела во март 2020 почнаа контракциите и ме породија со царски рез.

Продолжува на следната страна...