30-годишна мајка: „По 3 спонтани абортуси, наместо второ дете, добив четворка“

По три спонтани абортуси Дејна Чајлдрес ја слушнала најубавата вест – дека повторно е бремена и тоа со четворка. Денес таа е мајка на 5 деца.

Дејна Чајлдрес од Охајо и нејзиниот сопруг Колби биле пресреќни кога по само еден месец обидување таа веднаш останала бремена и во 2015-тата година го добиле синот Колби. Но, кога по 9 месеци се обиделе да добијат второ дете се соочиле со проблеми.

Во наредните две години таа имала три спонтани абортуси, а поради тоа лекарите ѝ дале терапија за плодност.

Како што вели, во 2018-тата година лекарите ги предупредувале да не се обидуваат да станат родители тој месец, затоа што кај неа биле забележани 6 јајце клетки и поради тоа постоела голема шанса да добијат повеќе деца истовремено. Но, како што вели, и покрај предупредувањата таа и сопругот сепак се решиле да се обидат.

Дознале дека ќе добијат четири нови членови во семејството кога таа била во петтата недела од бременоста.

„На првиот преглед забележавме четири ембриона, но само кај две бебиња имаше срцева реакција, па мислев дека најверојатно ќе имам само близнаци и бев среќна, но бев уште посреќна затоа што имаше можност и за четворка“ – изјави таа.

Четирите бебиња Ото, Волоу, Сајмон и Вилис биле родени на 29-ти јуни во 2019-тата година, во 28-та недела од бременоста.

Сега, две години подоцна Дејна редовно споделува фотографии од нејзиниот живот како мајка на пет деца на социјалните мрежи.

Таа неодамна објави и видео на ТикТок и на Инстаграм што за брзо време стана вирално.

„Кога се обидуваш за бебе број 2, а добиваш бебе број: 2, 3, 4 и 5“ – напиша таа на него.

@helloquadruplets

? ##momlife ##babiesoftiktok ##toddlersoftiktok ##surprise ##quadruplets ##mom ##babies

♬ original sound - TRAP ??

Исто така до видеото се пошегува дека се надеваат дека ова нема да им се случи кога ќе се обидат за бебето број 6.

Ова воедно е едно од најгледните видеа на нејзиниот ТикТок профил и има 15.5 милиони прегледи. Таа воедно објавува и интересни видеа од секојдневните згоди и незгоди со кои се соочува како мајка на пет деца.

Погледнете повеќе фотографии од Дејна и нејзините деца:

Б. С. Б. | Црнобело