Мајка му дозволува на 18-месечниот син сам да си прави појадок на решо: „Подготвена сум за критиките“ (видео)
Малите деца обожаваат да прават сè што прават нивните мајки, а една корисничка на ТикТок редовно споделува како нејзиниот син на возраст од 18 месеци самиот си подготвува појадок и тоа на вистинско решо.
Корисничката што на ТикТок објавува видеа под псевдонимот @lauralove5514 објавува видеа со нејзиниот 18-месечен син како сам си подготвува омлет на вистинско решо, а како што вели била подготвена за негативните коментари што ќе следат.
Инаку, Лаура досега има 1,7 милиони следбеници на ТикТок што редовно ги следат нејзините видеа на кои нејзиниот 3-годишен син Картер и Џона (18 месеци) сами готват.
Од видеата што таа ги објавува може да се види дека малиот Џона, иако сè уште нeма ниту 2 години, во целост е способен сам да си подготви појадок, без разлика на сите коментари.
До видеото што досега е прегледано 15,3 милиони пати таа напиша:
„Подготвена сум за коментарите на ова видео“
Таа појаснува дека подолго време се подготвувале за да го направат видеото. Џона прво вежбал со исклучено решо, а потоа научил да не ја чепка тавата со голи раце откако сфатил дека е жешка.
Лаура вели дека не се чувствува сигурна за да му дозволи да готви на големиот шпорет во кујната, но смета дека малото решо е сосема соодветно за него. Инаку, малиот Џона постојано го гледал неговиот 3-годишен брат како редовно го користи шпоретот, па се лутел затоа што нему не му е дозволено истото. Од овие причини таа одлучила да го научи како да го користи решото.
Сепак мислењата кај нејзините следбеници се поделени, има и такви што се восхитуваат на тоа што таа го прави и ги учи нејзините деца да бидат независни, но и такви што прашуваат зошто воопшто 3-годишно дете и 18-месечно бебе би требало да знаат да готват.
Изгледа за Лаура безбедноста на нејзиното дете не е на прво место.
Погледнете го видеото во продолжение:
@lauralove5514 I’m buckled up for the comments on this one ?? ##MicroRaveWithRoni ##MyTeacherWins ##montessori ##toddler ##foryou ##fyp ##montessorimom ##cooking ##recipe
♬ Married Life (From "Up") - Sergy el Som
Б. С. Б. | Црнобело
Би можело да ве интересира:
Препорачуваме
Најчитани неделава
