Не носите резервна облека, постојано доцните - Навики на родителите што можеби им пречат на вработените во градинките

Родителите на мали деца знаат колку сила и енергија е потребно да стигнат наутро да ги однесат децата во градинка, па потоа да продолжат со нивниот работен ден. Понекогаш во брзање сите родители знаат да направат грешки, што на вработените мошне им пречат. Кои се тие?

Шарон Бирч е вработена во градинка во Обединетото Кралство, а таа за британски Sun открива кои навики на тамошните родители мошне им пречат на вработените таму.

Да ги погледнеме одблиску, па можеби ќе се најдеме и себеси во некои од навиките што и ние тука ги правиме како родители, а за кои навистина не сме размислиле дека можеби им пречат на вработените.

Доколку и вие практикувате некои од овие навики можеби е вистинско време малку да размислите и да се поправите.

Не носите резервна облека

Вашето дете го поминува целиот ден во градинката, може да се случи да се извалка, да се измокри или пак облеката што сте му ја облекле да не му е удобна и да е потребно да го пресоблечат.

Чекање во ходникот без потреба

Додека ве гледа како бесцелно стоите во ходникот детето само станува повознемирено.

Бегање без да ве види детето

Уште полошо од бесцелното стоење во ходник е детето да не ве види дека си заминувате и да не се поздравите со него, затоа што ќе биде уште повеќе вознемирено.

Не ја проверувате чантата на детето

Во чантата честопати се случува да има нечиста облека од претходниот ден.

Не ги информирате вработените дека детето не е во најдобра здравствена состојба

Децата може да се разболат наеднаш (додека се во градинка), но добро е вработените да знаат за сите проблеми со кои би можеле да се соочат со вашето дете.

Кога без најава некој непознат доаѓа да го земе детето

Затоа постојат протоколи и не може кој било да дојде да го земе детето.

Подмитување на децата со колачиња и чоколада

Можеби ако го „подмитите“ со чоколадо наутро ќе го натерате детето да направи сè што ќе посакате, но тоа го нарушува неговиот распоред за исхрана.

Доцнење

Вработените воспоставуваат рутина со вашите деца, а понекогаш ако задоцните тоа ги нарушува веќе воспоставените норми и му предизвикувате стрес на сопственото дете.

Б. С. Б. | Црнобело/ фото: depositphotos.com