9 совети со кои ќе го заштитите вашето дете од опасната страна на интернетот

Советувајте го детето никако да не разговара на интернет со луѓе што не ги познава, побарајте да се консултира со вас пред да објави нешто и не заборавајте да го предупредите за лажните вести.

Денес животот е незамислив без интернет и сосема нормално е вашето дете да сака да биде дел од него. Но, од друга страна, интернетот може да биде опасен за мало дете кое не е ни свесно што сè се случува таму.

Тешко дека ќе успеете да му забраните на детето да користи интернет, но секогаш можете да му покажете како да биде безбедно онлајн.

Како да го направите тоа?

Бидете покрај него кога првпат ќе корист интернет

Ако вашето дете досега нема користено интернет, осигурете се дека ќе бидете покрај него првиот пат кога ќе го направи тоа и покажете му како да се снајде.

Покажете му кои веб-страници се безбедни за него и предупредете го да не симнува ништо од непроверени сајтови. 

Објаснете му зошто не треба да разговара со странци

Лажните профили се честа појава на интернет, па важно е да му кажете на вашето дете никако да не одговара на пораки од странци, дури и ако му изгледа како да се од пријателски настроена личност.

Објаснете му дека секој може да си стави лажна фотографија и да се претстави со лажно име онлајн, па најдобро е да нема никаква комуникација со странци.

Нагласете му и дека никогаш не треба да ги споделува неговите личи информации онлајн, ниту да отвора фајлови што ги добило од непозната личност.

Истовремено, советувајте го веднаш да ве извести ако добие порака од личност што не ја познава.

Предупредете го за лажните вести

Кажете му на детето дека само затоа што нешто е на интернет, не значи дека е вистина. Лажните вести се мошне честа појава и неретко и на возрасните им е тешко да ги препознаат, а не пак на малите деца.

Советувајте го детето да ве праша вам кога ќе прочита некоја информација наместо „слепо“ да верува во неа. Истовремено, можете да му кажете и кои веб-страници нудат проверени информации.

Ограничете ја видливоста на неговата онлајн активност

Социјалните мрежи како Фејсбук и Инстаграм дозволуваат да контролирате кој ќе ги гледа вашите објави, па ако вашето дете има профил, регулирајте го ова.

Најдобро помогнете му да ги направи неговите профили приватни, односно неговите објави и податоци да можат да ги гледаат само оние кои му се пријатели.

Продолжува на следната страница...