Нереални очекувања и верувања што модерните мајки со право не сакаат да ги прифатат, низ илустрации

Многу жени се осудувани ако спомнат дека мајчинството не е воопшто лесно, но сè повеќе мајки отворено зборуваат за тешкотиите и предизвиците, но и за проблемите како постпородилна депресија.

Факт е дека луѓето отсекогаш имале превисоки очекувања од мајките. Тие мораат да се грижат за детето, да го средат домот, да бидат во топ-форма и притоа да не побараат помош за ништо.

Бидејќи, реално, сето ова е невозможно, модерните мајки постепено ги менуваат правилата на подобро и без двоумење ги отфрлаат мислењата и верувањата што останале од порано.

Очекувања што модерните мајки со право не ги прифаќаат:

Кога жените ќе родат дете, од нив се очекува да бидат само мајки и ништо друго – денес жените не го прифаќаат ова и без разлика што имаат дете, знаат дека можат да излезат со пријатели и да не го запостават нивниот живот целосно.

Откако ќе се породат, треба веднаш да се вратат во форма – денес жените ги прифаќаат и гордо ги носат промените на телото кои доаѓаат со бременоста и не се оптоваруваат со тоа да бидат во топ-форма само неколку месеци откако ќе родат.

Од жените се очекува сами да се грижат за нивните деца – во модерното општество, кога неретко треба и брзо да се вратат на работа, жените не се двоумат дали да побараат помош од бабите и дедовците, да најмат дадилка или да го запишат детето во градинка.

Многу жени чувствуваат притисок да родат само затоа што „им е време“ – денес го игнорираат ова и раѓаат кога се чувствуваат подготвени за тоа.

Бидејќи детето е најголем дар, жените се осудувани ако прозборат дека мајчинството е тешко – модерните мајки без проблем зборуваат за предизвиците и тешкотиите кои доаѓаат со грижата за детето

Со години, како да беше забрането жените да се пожалат или да одат на психијатар откако ќе се породат – денес стануваме сè посвесни за проблемите како постпородилна депресија благодарение на храбрите мајки кои отворено зборуваат за тоа

Од мајките се очекува да го одржуваат домот беспрекорно чист и да ги завршат сите домашни обврски – модерните мајки знаат дека ова е невозможно и повеќе не се оптоваруваат

Ако порано се очекувало само мајката да се грижи за детето бидејќи таткото е изморен од работа, модерните мајки не го дозволуваат ова бидејќи и двајцата родители треба да бидат одговорни

Доењето во јавност е најголема грешка и мајките треба да ги хранат децата само дома – модерните мајки дефинитивно го менуваат ова правило

Спирова С. | Црнобело